3° PREMIO PARI MERITO

 

 

Gruppo : I ULTIMI DELA  COVADA            

                                                                                                                                    

 Classe II: Michele Mottica, Gaia Paljuh

          Classe III: Matteo Di Lonardo, Antonio Macan, Noel Dellabernardina

                                                                                                           

Scuola Elementare Italiana “Bernardo Benussi” sez. perif. Valle d’Istria

 

insegnanti: Brussich Boris

                       Pauletic' Miriana

 

Motivazione: solo fotografie per “gli ultimi della covada” di Valle che , raccontandolo nel loro antico e bel dialetto, hanno raggiunto la campagna istriana con gli amici di Rovigno immergendosi totalmente nella vita dei contadini e partecipando alla vendemmia , in una gita che ha raggiunto anche Vermo. A loro resteranno i ricordi degli odori e dei sapori dell'uva e dei maiali. Gradevole!

 

LA GITA SCOLASTICA - LA GITA CUN LA SCULA

 

          

Signemo 'n piasa dela MUsa e spetemo cun ansia la coriera che la 'n de portarò

 a Vermo.

Ecola che la riva! xemo 'n drento, saludemo i amighi de Ruvigno e partimo.

Signemo duti contenti e ansioxi.

La coriera la coro xvelta verso Pixin. Como 'nde divertimo, xoghemo, femo nove amicisie.

'N drento se sta como'n tel saloto.

Jan xoga al " game boj", Antonio favela solo stupidese.

Sara e Tea le si manda mesagini. Mi vardi el paexagio che 'l mi scampa dananti ai oci,

 la fabrica de tabachi, Canfanar, Gimin, Pixin.

Alesio 'l fa 'n po 'l macaco. La coriera la se ferma. Signemo rivadi, xemo xo dala coriera

 e xemo verso 'l logo dele vide.

caminemo par 'n limedo streto e pien de fango.

 

 

 

Sa la tera no la xe como 'n tel me orto; la xe grixa, femo atension de no xlità

'n tel fango ma Sebastian, 'n more' dela prima, 'l favela e 'l varda le stele.

" Patapunfete" 'l cajo 'n tel fango. 'L se isa e 'l se meto a frignà. 'l ghi somiglia

a 'n porcheto che xe 'pena vignù fura dal ledan.

Eco le vide!

Cioghi 'n garnel de ua negra e sucherada, a ma mi cioghi anca 'n grando rapo.

'l xe bon ma tanto bon!

Quante casete!

I le 'n piniso 'n trenta minuti.

'l trator 'l pasa ogni vanexa a 'ngrumà le casete piene de ua.

'l se ferma davanti a 'n gran camion.

 

 

 

 

OH! adeso xemo via.

Lasemo le vide.

La coriera la 'nde speta.

'l tempo de netasi le scarpe piene de fango e via, xemo 'n te la

canoa cun le boto.

 

 

 

 

 

 

 

 

 

 

 

 

'n curto viaxo, 'n de fermemo, xemo sul pra e femo marenda.

Ma che bon 'sto panin.

 

 

 

 

 

 

 

 

 

 

 

Anca se ogni tanto 'ndi gira 'ntorno qualco vespa, e noi la mandemo

via. Ma xe caldo, xe cusì caldo che me metaravi subito a xaxi xota 'l morer.

Par la miseria, l'nde ciama gol che xemo 'nte sta canoa.

Signemo curioxi de vedi e de 'npara', sa se trasforma l'ua 'n mosto e poi 'n vin.

Uau! Quante bote de fero!

Le xe grandioxe.

Altro che i nostri noni veci, lori i veva doma boto de legno e i feva

duto a man.

 

 

 

 

 

 

 

 

E deso xemo a vendemà 'nte ' le vide sa arento cun i pici dela prima e

dela segonda.

Sa la tera no la xe como 'nte l'altro logo.

'n grumemo l'ua e la metemo 'nte le casete, ma prima ghi deghi

'n morsigon, mmmm como la xe dolsa!

Mi se 'npeta i dedi.

 

Nosoquante casete piene de ua le metemo in coriera,

'ndi le jo regalade 'l paron par portale a scula.

 

 

 

 

 

   

 

 

E adeso partimo par Vermo. 'l viaxo nol xe longo.

Traversemo 'na gola, la maestra la dix che la xe la piun

jasada de duta l'Istria.

Dananti a noi la val Cipri.

Su'n monto fra il bosco se cua 'l campanil de Vermo.

La coriera la se ferma, xemo xo dalla coriera e 'nde

rampighemo par 'na cal alta, streta e bruta. No xe fasil

xi sun de rato. Oh! Par furuna signemo rivadi sani e salvi

a Vermo.

Che picio che xe sto pajex! 'l xe tanto piun picio de Vale.

Che fan! Mi buligheia la pansa. Par fortuna che i 'nde porta a magnà.

 

 

 

 

Deso cusì sasi xemo a vixità sto picio pajex.

 'n tempo 'l veva le nure alte e doi porte: porta granda e porta picia.

 

La jeixa de San Martin, 'l Calvario.

 

 

 

 

 

 

 

 

 

 

  La caxa ola xe nato Vladimir Gortan.

'pajex xe cusì picio che vemo xa finì de vixitalu.

Ma che meraviglia!

I cavai sul pra che i pascoleia. Piun ananti i 'nde porta a vedi la texa

dei porchi pici e grandi.

Xemo 'n drento. Mare meja che spusa, 'ndi stropemo el nax e

poi subito scampemo fura. La rento xe 'n campo de calcio e i masci

i se meto a xogà 'l altri, como anca noi, xemo a catasi ' n posto e

scomensemo a disegnà la vendema e qualchidun a scrivi.

 

 

 

 

Xe vignù 'l momento de partì, xemo verso la coriera. Che bel! Adeso xe duto xo de rato! Xe cusì caldo che 'l maestro 'l nde lasa el tempo de magnà 'n gelato. De tanto bon ' l xe xa finì.

Partimo. Par cal 'nde fermemo 'nte 'n grando puliner de galine: 4000 galine. Poverase dute 'nserade 'nte 'na galeria streta. Poverase!!!

Via, tornemo a Vale strachi ma contenti parchè vemo visto tante robe nove e fato amicisia cun i nustri amighi de Ruvigno.